Ráðgjöf um 100% fisk
Íslenski sjávarklasinn vinnur heilstæða ráðgjöf fyrir fyrirtæki, stofnanir og samfélög víða um heim sem miðar að því að bætta nýtingu á sjávarafurðum, efla nýsköpun og styrkja samvinnu sem stuðlað getur að aukinni verðmætasköpun.
Upplýsingar um ráðgjafarþjónstu Sjávarklasans veitir Heiða Kristín Helgadóttir Heida[at]sjavarklasinn.is og Alexandra Leeper alexandra[at]sjavarklasinn.is
Fundir, viðburðir og ráðstefnur
Gestir Sjávarklasans hafa notið þess að eiga skapandi stundir í einstöku umhverfi við höfnina og í húsi sem áður hýsti bæði fiskverkun og netagerð.
Hægt er að fá til leigu öll níu fundarherbergin í Húsi sjávarklasans. Fundarrýmin rúma frá fjórum upp í 22 gesti og eru útbúin skjám eða skjávörpum og öðrum þægindum.
Eins leigjum við út alrými í húsinu undir minni viðburði og ráðstefnur disa[at]sjavarklasinn.is
Fræðslu og þekkingarferðir
Á hverju ári bjóðum við velkomin fjölda fólks sem vill kynnast íslenskum sjávarútvegi og haftengdum greinum með sérstakri áherslu á nýsköpun og nýtingu. Hægt er að óska eftir því að kynningar og fræðsla sé aðlöguð sérstaklega að tilteknum áherslum viðkomandi hóps. Hver leiðsögn tekur um 45 – 60 mínútur.
Einnig bjóðum við upp á sérsniðnar þekkingarferðir sem geta verið frá einum degi upp í nokkra daga. Þekkingarferðirnar innihalda meðal annars kynningar á frumkvöðlafyrirtækjum í bláa hagkerfinu og heimsóknir til fyrirtækja á höfuðborgarsvæðinu.
Upplýsingar um leigu á fundarrými, fræðslu og þekkingarferðir veitir Svandís Friðleifsdóttir í síma +354 5776200 eða disa[at]sjavarklasinn.is .