Klædd af hafinu

by | 4 jún 2026 | Fréttir

„Gríðarlegt magn af textíl endar á urðunarstöðum og mikið af því inniheldur plast. Á hverju ári hendir mannkynið um 92 milljónum tonna af textíl. Eftirspurn eftir textílvörum eykst samhliða auknum kaupmætti og fólksfjölgun.” – Nanna Lín.

Sjálfbærni í tískuiðnaðinum er sífellt mikilvægara málefni á heimsvísu. Hröð neyslutíska (e. fast fashion) hefur náð yfirhöndinni á markaðnum og skapar mikið magn úrgangs sem ógnar hafinu okkar. Nokkur fyrirtæki hafa fundið nýjar og skapandi leiðir til að nýta auðlindir hafsins til að stuðla að endurvinnslu og draga úr sóun. Sum nýta fiskroð til leðurframleiðslu á meðan önnur þróa textílefni úr þörungum fyrir fataiðnaðinn. Með nýsköpun og skapandi hugsun eru þau að finna leiðir til að minnka umhverfisáhrif sín.
Nanna Lín

Nanna Lín býður einnig upp á valkost við textílefni sem innihalda plast og stuðlar þannig að sjálfbærari tískuiðnaði. Eftirspurn eftir leðri fer sífellt vaxandi og því er mikilvægt að horfa til framtíðar. Gervileður og rúskinn eru textílefni sem að stórum hluta eru framleidd úr plasti og framleiðsla þeirra hefur veruleg neikvæð áhrif á umhverfið. Hugmynd Nönnu Línar er að nýta fiskleður til fatagerðar. Leðrið er framleitt úr fiskroði og sútað með trjábörk. Framleiðsla fyrirtækisins er ekki hafin enn sem komið er, en við hlökkum til að fylgjast með þróuninni.

Skoðið fyrirtækið hér →

Instagram

LinkedIn

Skoðið fyrirtækið hér →

Instagram

LinkedIn

ICYTOS
ICTYOS er franskt sútunarhús með aðsetur í Lyon sem umbreytir fiskroði sem annars færi til spillis í hágæða sjávarleður. Fyrirtækið sameinar hefðbundna franska sútun við sjálfbæra og umhverfisvæna framleiðsluaðferð. Leðrið frá ICTYOS er notað af fjölmörgum vörumerkjum við framleiðslu á handtöskum, fatnaði, úraböndum, veskjum og fleiri vörum. Fyrirtækið starfar samkvæmt evrópska REACH-staðlinum sem tryggir að engin skaðleg, eitruð eða mengandi efni séu notuð í framleiðsluferlinu.
Katla
Katla er íslenskt fatafyrirtæki sem leggur áherslu á umhverfisvernd og sjálfbærni. Markmið fyrirtækisins er að sýna fram á að tíska geti verið bæði falleg og sjálfbær. Helstu efnin sem fyrirtækið notar eru lífræn bómull, textílefni með þörungablöndum, vegan-silki og hágæða blöndur úr ull og silki. Öll efnin eru valin með það að markmiði að lágmarka umhverfisfótspor og styðja við sjálfbærar framleiðsluaðferðir.

Skoðið fyrirtækið hér→

Instagram

LinkedIn

Þróun fiskleðurs og textílefna úr þörungum sýnir hvernig nýsköpun fyrirtækja getur bæði gagnast umhverfinu og skapað ný tækifæri í tískuiðnaðinum. Nanna Lín og ICTYOS eru meðal þeirra fyrirtækja sem þróa ný efni sem draga úr sóun á sama tíma og þau skapa sjálfbærar og vandaðar vörur. Með því að nýta sjávarauðlindir sem annars gætu farið til spillis stuðla þessi fyrirtæki að umhverfisvænni tískuiðnaði. Eftir því sem sjálfbærni verður mikilvægari um allan heim gegna lausnir sem þessar sífellt stærra hlutverki í mótun framtíðar textíliðnaðarins og í að draga úr umhverfisáhrifum hans.