Sjávarklasinn tekur þátt í sjávarlífefnaþingi Ástralíu
Dr. Alexandra Leeper fór í byrjun september til Brisbane í Ástralíu til þess að taka þátt í Marine BioConnect 25. Það er helsti vettvangur umræðu í Ástralíu fyrir sjávarlífefni og atvinnulíf. Marine Bioproducts CRC stóð fyrir viðburðinum sem tók saman vísindafólk, frumkvöðla og aðra fulltrúa atvinnulífsins til að kanna nýtingu auðlinda hafsins með sjálfbærum hætti.
100% Fish og hringrásarhagkerfið
Alexandra hélt erindi um 100% Fish og starfsemi Sjávarklasans. Hún byggði erindið á reynslu sinni úr fiskeldi og hringrásarhagkerfinu til að útskýra hvernig Ísland hefur náð miklum árangri í fullnýtingu sjávarauðlinda. Auk þess sýndi hún hvernig aukaafurðir geta orðið að verðmætum vörum og getur skapað ný tækifæri í atvinnulífinu og dregið úr sóun.
Alþjóðlegt samstarf um nýsköpun í sjávarútvegi
Umræðurnar í Brisbane endurspegla víðtækari alþjóðlega stefnu. Frá Íslandi til Ástralíu, Kóreu til Namibíu og frá Bandaríkjunum til Grænlands eru klasar og rannsóknastofnanir að auka nýsköpun í nýtingu sjávarafurða. Þannig sameinast sífellt fleiri aðilar í því að skapa verðmæti, draga úr sóun og vernda vistkerfi hafsins.
Á Marine BioConnect 25 komu einnig fram lykilraddir á borð við Dr. Pia Winberg (Phyco Health), Rosanna Angus (ráðgjafi í ferðaþjónustu og Bardi Jawi-kona) og Daniel Abrahams (forstjóri Marine Bioproducts CRC). Þessir fyrirlesarar lögðu áherslu á hvernig vísindi, atvinnulíf og samfélag geta tengst til að knýja fram nýsköpun tengda hafinu.
Við erum stolt af því að Sjávarklasinn og 100% Fish séu stór hluti af þessari umræðu. Enn fremur styrkir það hlutverk okkar að tengja hugmyndir og framtök milli heimsálfa: að efla samstarf og nýsköpun fyrir sjálfbært hafhagkerfi.